تدهورت الحالة الصحية لاعب نادي الزمالك السابق إبراهيم شيكا، بعد المعاناة التي يعاني منها مع مرض “الكانسر” وبعد استغاثة كبيرة من اللاعب لنادي الزمالك، للوقوف بجانب الحالة الصحية الصعبة.
وخرج إبراهيم شيكا لاعب الزمالك في فيديو عبر تيك توك الخاص به، يبكى من معاناته من مرض “الكانسر” قائلا: “مش مسامح أي حد لو جرالي حاجة، محدش واقف جنبي، مشيرا إلى غياب نادي الزمالك تماما عن الأزمة الصحية التي يمر بها في التوقيت الحالي”.
وكان إبراهيم شيكا لاعب الزمالك السابق، قد خرج أيضا منذ شهرين عبر شاشة “النهار” مع الاعلامي أمير هشام متحدثا وهو “يبكي” "أنا ماشي على بروتوكول علاج كيمياوي، لتصغير حجم الورم، ممكن في مرة يكون معايا فلوس أدفع ثمن جرعة الكيماوي، وفي جرعة تانية ممكن أبيع حاجة من البيت عشان أكمل الفلوس، وكمان أنا متجوز وعندي طفلين، ومطلوب مني إيجار شقة وأكل وشرب ومصاريف الطفلين، وأنا مش بعرف اشتغل بسبب جلسات الكيماوي، ومطلوب مني ده كله.
واختتم شيكا: محدش وقف جنبي وكله باعني، أنا 75% من علاجي على المستوى النفسي وفجأة كله باعني، ومفيش حد طلعلي جنيه من نادي الزمالك، وسمعت قبل مواجهة الزمالك الأولى في الكونفيدرالية إن أحمد مصطفى “زيزو”، اتكلم مع اللعيبة داخل أوضة اللبس وقالهم “لازم نعمل حاجة عشان إبراهيم شيكا” وكنت منتظر بعد المباراة الأولى في الكونفدرالية حد يكلمني من اللعيبة لكن برضة مفيش حد كلمني ومش عارف أعمل إيه.
وكان إبراهيم شيكا، لاعب فريق الزمالك السابق، أكد في وقت سابق أنه لم يجد الدعم من لاعبي الفريق الأول لكرة القدم بالنادي، خلال رحله علاجه من مرض السرطان.
0 تعليق