اعتذر اللاعب إمام عاشور عن تجاوزه في حق رموز الأهلي عندما كان لاعبا في فريق الزمالك، وأكد على أسفه الشديد تجاه هذه الواقعة.
ويحل اليوم اللاعب إمام عاشور ضيفا على الإعلامي أحمد شوبير في برنامج حارس الأهلي عبر قناة الأهلي الرسمية يتحدث خلاله عن عدد من الموضوعات المهمة.
أنا غلطت في هتافاتي ضد الأهلي وندمان عليها
وقال إمام:“أنا غلطت في هتافاتي ضد الأهلي وندمان عليها، واعتذرت أكتر من مرة لأني ندمان عليه، استقبال جماهير الأهلي ليا كان رعب، ويابخت الي يحبه جمهور الأهلي”.
وزاد:"دايما بحمد ربنا على القبول، لأنه مش سهل من أول يوم ليا في الأهلي وانا بحب الناس والناس بتحبني، والهتاف الأفضل الي بحبه هو في التالتة شمال، اكتر هتاف بحبه مش حاجه معينة انا بحب كل الي يقوله جمهور الأهلي.
مفاوضات الأهلي كانت سهلة، وأمير لما كلمني كنت مبسوط
وقال إمام : “مفاوضات الأهلي كانت سهلة، وأمير لما كلمني كنت مبسوط والحكاية خلصت في مقابلتين، مرة في البيت عندي ومرة في النادي، ومضيت العقود على طول مقريتهاش ووقعت على طول لأني بحب البطولات، فلما يجيلك الأهلي هتقول إيه، انا فعلا مبصتش في العقد ولا الراتب مضيت وأنا مغمض”.
وأكمل : أول مسؤول التقيت بيه في الأهلي كان سيد عبدالحفيظ وبعدها خالد بيبو، الناس اتكلمت معايا وفهمتني الدنيا، وبعدها كنا في معسكر النمسا، وانا مقابلتش الخطيب غير كام مرة بس، وأول مرة شوفته كان في معسكر النمسا، وانا بحب الخطيب من زمان أوي ولما اتعاملت معاه حبيته أكتر، وقالي ركز معانا ومتخسرش جماهير الزمالك".
«كنت هلعب في الإسماعيلي بس محصلش نصيب»
وتابع إمام عاشور: “كنت هلعب في الإسماعيلي بس مفيش نصيب لما قدمنا أنا وأخويا محصلش نصيب، واختاروا أخويا ومخترونيش، بس الحمد لله كله نصيب”.
واختتم : "مضيت في غزل المحلة وأنا عندي 15 سنة، وكنت أصغر حد في الفرقة، وبعدها قضيت سنة كويسة وروحت نادي الزمالك وربنا كرمني ببطولتين دوري بعدها احترفت في ميتلاند".
حبس إمام عاشور 6 أشهر مع الشغل
وفي سياق آخر، عاقبت محكمة جنح مستأنف الشيخ زايد، إمام عاشور لاعب النادي الأهلي ومنتخب مصر، بالحبس 6 أشهر مع الشغل وإلغاء حكم البراءة السابق في واقعة «التعدي على فرد أمن الشيخ زايد في الاستئناف المقدم من نيابة الشيخ زايد، على حكم محكمة الجنح ببراءة اللاعب في اتهامه بضرب فرد أمن بمول أركان.
وكانت محكمة جنح الشيخ زايد، قد قضت ببراءة إمام عاشور، لاعب النادي الأهلي، من تهمة التعدي على فرد أمن داخل مول بمنطقة الشيخ زايد.
تابع موقع الجمهور عبر قناة (يوتيوب) اضغط هــــــــــــنا
تابع موقع الجمهور عبر قناة (واتساب) اضغط هــــــــــــنا
تابع موقع الجمهور عبر تطبيق (نبض) اضغط هــــــــــنا
تابع موقع الجمهور عبر تطبيق (جوجل نيوز) اضغط هــــــــنا
الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية، أسعار البنزين.
0 تعليق